【懷孕分享】早期妊娠評估 第一次照超聲波 照唔到胎囊！

因為之前入咗廣華急症室，所以醫生安排咗Week 5+1 去做早期妊娠評估。


到醫院後先去繳費處，確認係香港居民就唔使比診金，拎住張收據上北翼10樓。


去到先填份早期妊娠評估病人資料表。

跟住就量血壓、度高磅重同驗小便，驗小便目的係檢驗小便PH值（有無細菌感染）、糖分（妊娠糖尿）和蛋白（妊娠高血壓或是子癲前症、免疫及感染腎臟等問題）。

做完以上基本檢查之後，大約等咗45分鐘就到我入去見醫生（我當日係第一個見醫生）。



醫生先問診，跟住就訓上床照超聲波。

照咗大約5分鐘，醫生就叫我落床坐返櫈度。

『照到胎嚢，但冇見到BB...』

『即係？』



『可能太早照，你本身遲排卵，雖然而家係5周，但實際只有4周；另一個可能係已經小產左......』『冇宮外孕，因為係子宮見到個胎嚢，約你一個半禮拜後覆診再照多次』

出到去我坐咗係後面啲櫈度一邊同老公講，一邊眼淚不停流。


上網見到人都有差唔多case，結果一半一半，希望唔係空歡喜一場啦！