【紅磡美食】老重慶見麵川菜館

 

老公話晚餐去試下寶石戲院附近嘅重慶麵店。平日好少經過呢度，估唔到呢條街都有唔少餐廳，而呢間六點未夠已經全店滿座。

老公叫左紅燒肥腸麵，餐牌有大中小辣選擇，原來仲有BB辣，咁老公就要BB辣。我仲睇緊餐牌個時見其他客人都叫擔擔麵，照跟應該唔會伏，就叫左唔辣擔擔麵，另外叫一碟夫妻肺片，要BB辣～呀姐姐望一望我，同我講佢地D辣唔同出面，夫妻肺片唔好BB辣喇，要微辣算啦！

好好好～就聽佢講，要微辣

擔擔麵雖然好多人叫，但我覺得麻麻，少左D麻醬味，似肉碎湯麵多啲。（可能叫辣嘅擔擔麵會惹味D）

老公個BB辣食左兩三啖已經要叫Coke Zero，再食已經滿頭大汗～佢話個BB辣應該等於譚仔中辣，食到冇味覺咁濟叫我千祈唔好試

微辣夫妻肺片，真係唔係預期嘅辣度，越食越辣，好彩我叫唔辣擔擔麵，唔係應該會食淨大半碟

呢間只係適合想挑戰辣度既朋友試，唔好辣嘅我會推薦下一個post既麵店～